~\\ النصيــــب \\~



أبد .. ما جيـت أبارك ولكن جيـت بآوصـّيك

علـى اللـي نـاوي تـدخـل بهـا الليلـه .. معذبتنـي

ترى لولا الظروف اللـي عطتك وحدّت محاكيـك

قسـم بالله مـا تـدخـل عليهـا لـــو علـى رقبتــــي

ولكن النصيب أقوى ولا أدري ويش اسوي فيك

نعــم .. صـارت معزبتـك .. ولا صارت معزبتـي

كذا شـاءت بنـا الاقدار تحرمنـي لجـل تعطيــك

كـذا لازم عشـان تفوز أنت .. أخسر بتجربتــي

تراهــا غاليـه جدًا .. و تكفـى .. والله يخليـــك

تــدلـلهـا .. تــدلـعـهــا .. تنسيهــا مصاحبتــــي

أنا من كثر ما أغليها أحس أنـي بديت أغليـك

ولا تسـأل بـأيـة حـــق؟ ولا وش منـاسبتــــي ؟

لأنـك لـو بتسألني بتسمـع شـيء مـا يرضيــك

لــذا يــا خـوي لا تســأل ولا تسمـع لأجوبتــــي

أبيـك تحطها فــي داخـل عيونـك وبيـن ايديــك

وهـي دلوعـهـ اعتـادت علـى كثرة مداعبتـــي

فداعبهـا شـوي شـوي حتـى تشتهـي طـاريــك

وشـاغبها إليــن تقـول لكـ : بطــل مشاغبتـــي

واذاهي مالها خلقك.. ولا تضحـك ولا تسليــك

تحملهــا واسألهـا: يــا عمري ليـهـ عصبتــي

وبالك اسمع انك يـوم تضربهـا وهـي تشكيــك

مـا يحتـاج اوري لكـ بفـن الضـرب موهبتـــي

صحيح انــك بتملكهـا و معـك العقـد بالتمليــك

وانـا عـارف حدود الله ومـن حقـك معـاقبتـــي

ولكن قلهـا المجنــون وصانــي وهــو يعنيــك

يقــول انهـ بينتظـرك ولو شيــب و شيبتــــي

وانا مجنونها اللي مانساهـا وانـت مايمديـــك

تغطـي ذكرياتـي في هواهـا .. وربع تجربتــي

أحس أني تماديت بكلامي .. والغضب حاديــك

لو انكـ في مكانــي مــا تفكـر فـي محاسبتــي

كفــاك انــي تركــت اشغـالـي عشــان اجيـــك

دخلت القاعه برجلي ولا ادري ويش عاقبتـي

وانـا مـا جيت اخرب عرسـك الليله ولا أذيـك

أنا جيتـك عشـان اخاطبك واسمـع مخاطبتــي

توصى .. وانتبه .. وأحرص عليها الله يهنيك

تـرى كـل الكلام اللـي طلع من ضيقي وكبتـي

ولكـن مـاقدرت انـي اقولـه وانت مـا يخفيـك

اخـاف انـي إذا قلته تقـوم و تقطـع رقبتــي..!



~~||| أتمنــى أنهــا نالــت علــى إعجـــابكــم |||~~

ألــــــــــــــف شكـــــــــــر لكــ أختـــــــــــي

العفوووووووو